Хууль зүйн сургууль

Танилцуулга

ЗАХИРЛЫН МЭНДЧИЛГЭЭ

Эрхэм хүндэт оюутан, судлаачид, хамтран ажиллагчид Та бүхэнд энэ өдрийн мэндийг хүргэе. Олон улсын Улаанбаатарын их сургуулийн Хууль зүйн сургуулийг сонирхон зочилж буй Та бүхэндээ талархал илэрхийлье. Манай сургууль нь хууль зүйн боловсролыг олон улсын жишигт нийцүүлэн хөгжүүлэх, нийгмийн шударга ёсыг бэхжүүлэхэд хувь нэмэр оруулах чадварлаг мэргэжилтэн бэлтгэх эрхэм зорилготой. Бид оюутан бүрийг зөвхөн хууль мэддэг төдийгүй шүүн тунгаах чадвартай, ёс зүйтэй, нийгмийн хариуцлагатай иргэн болгон төлөвшүүлэхийг зорьдог. Энэ хүрээнд сургалт, судалгааг уялдуулсан орчин, практикт суурилсан арга барил, олон улсын хамтын ажиллагааг онцгойлон хөгжүүлж байна. Ялангуяа Монгол-Солонгосын эрх зүйн хамтын ажиллагааны хүрээнд бид Солонгосын эрх зүйн нэмэлт хөтөлбөр, Судлаач оюутан тэтгэлэгт төсөл, K-Law Academy хөтөлбөрүүдийг хэрэгжүүлж, оюутнуудын олон улсад өрсөлдөх чадварыг нэмэгдүүлэхэд анхаарч байна. Мөн БНСУ-ын их сургуулиудтай хамтарсан оюутны эрдэм шинжилгээний хурал, оюутан солилцоо, 3+2 хөтөлбөрүүд нь манай оюутнуудад олон улсын түвшний боловсрол эзэмших бодит боломжийг нээж өгч байна. Цаашид манай Хууль зүйн сургууль дижитал шилжилт, эрх зүйн шинэчлэлийн эрин үед манлайлах сургалт, судалгааны төв болон хөгжих зорилтыг дэвшүүлэн ажиллах болно. Та бүхнийг бидний үйл ажиллагаанд идэвхтэй оролцож, хамтран хөгжихийг урьж байна.

Хүндэтгэсэн,
Очирбатын АМАРСАНАА
Хууль зүйн сургуулийн захирал, дэд профессор, хууль зүйн доктор

Хууль зүйн сургууль ТАНИЛЦУУЛГА

Олон улсын Улаанбаатарын их сургуулийн Хууль зүйн сургууль нь орчин үеийн нийгмийн хэрэгцээ, олон улсын чиг хандлагад нийцсэн, мэргэжлийн өндөр түвшний хуульч, эрх зүйч бэлтгэх зорилготойгоор бакалаврын өдөр, орой, эчнээ анги, эрх зүйн магистрын сургалтыг танхим болон цахим хэлбэрээр явуулж байна. Тус сургууль нь хууль зүйн онолын мэдлэгийг практик ур чадвартай хослуулсан сургалт, судалгааны орчин бүрдүүлж, оюутнуудыг ёс зүйтэй, нийгмийн хариуцлагатай, чадварлаг, олон улсын түвшинд өрсөлдөхүйц мэргэжилтэн болгон төлөвшүүлэхийг зорьдог. Олон улсын хамтын ажиллагааг идэвхтэй хөгжүүлж, Монгол-Солонгосын эрх зүйн сургалт, судалгааны чиглэлд бодит үр дүн бүхий хөтөлбөрүүдийг хэрэгжүүлж байна.

Монгол-Солонгосын эрх зүйн хүрээлэнтэй хамтран Солонгосын эрх зүйн нэмэлт хөтөлбөр
Оюутны судалгааны чадамжийг дэмжих “Судлаач оюутан” тэтгэлэгт төсөл
БНСУ-ын төрийн өмчит Хууль тогтоомжийн хүрээлэнтэй байгуулсан санамж бичгийн хүрээнд K-Law Academy сургалт
БНСУ-ын Соншинь их сургуулийн Хууль зүйн сургуультай хамтарсан “Харьцуулсан эрх зүй” сэдэвт оюутны эрдэм шинжилгээний хурал
БНСУ-ын Соншинь их сургуулийн Хууль зүйн сургуультай хамтарсан 3+2 (эрх зүй+эрх зүй) бакалаврын хөтөлбөр
БНСУ-ын Гёнги их сургуультай хамтарсан 3+2 (эрх зүй+эрх зүй) бакалаврын хөтөлбөр
БНСУ-ын Гёнги их сургуультай хамтарсан 3+2 (эрх зүй+цагдаагийн удирдлага) бакалаврын хөтөлбөр
БНСУ-ын их сургуулиудтай хамтарсан 1+1 эрх зүйн магистрын хөтөлбөр

Түүнчлэн оюутны шүүхийн мэтгэлцээний “Mock trial” тэмцээнд тогтмол амжилттай оролцохоос гадна оюутны хөгжлийг дэмжсэн “Тэгри” клуб үйл ажиллагаа явуулж байна. Эдгээр хамтын ажиллагаа нь оюутнуудад олон улсын түвшний мэдлэг, туршлага эзэмших, гадаадын их сургуулиудад суралцах, судалгаанд оролцох өргөн боломжийг бүрдүүлж байна.

Хууль зүйн сургууль Тэнхимүүд

Эрх зүйн тэнхим

Дэлгэрэнгүй үзэх