ОУУБИС-ийн Инженер Дизайн Технологийн сургуулийн Дизайны тэнхимийн ахлах багш, олон улсын мастер зураач С.Мөнхбаатар Франц улсад зохион байгуулагдсан "Алтан бийр - 2026" (Watercolor Golden Brush) олон улсын усан будгийн 3 дахь удаагийн цахим уралдаан-үзэсгэлэнд дэлхийн 54 орны уран бүтээлчидтэй өрсөлдөж, усан будгийн “Хөрөг”-ийн төрөлд түрүүлэн, тус тэмцээний хамгийн нэр хүндтэй шагнал болох “АЛТАН БИЙР” -ийн эзэн боллоо.

Дизайны тэнхимийн хамт олон болон үе үеийн шавь нарынх нь нэрийн өмнөөс дэлхийн хэмжээний уран бүтээлч болсноо дахин баталсан С.Мөнхбаатар багшдаа чин сэтгэлийн халуун баяр хүргэе.

Таны сурган хүмүүжүүлэх болон уран бүтээл туурвих үйлсэд нь улам их амжилт, сайн сайхан бүхнийг хүсэн ерөөе.